السلام عليكم ورحمة الله وبركاته
بنت دائماً تفكر بفارس أحلامها تبغيه إييها عن طريق الصدفة .. أو بعد موقف مثلاً : وهي تسبح في البحر وهو إيي ينقدا (( تفكيــر عبيــط)) ^^ المهم وفي يوم من الأيام وفي شهر رمضان طلبت منها امها أنها تاخذ صحن ( القيمات ) واتوديه عند يراانم (جيرانهم) وكانو في الفصل شتاء والجو غائم ..ممطر فلبست البنت فروة ابوها وزلالاغ شتوي لونين كحلي والفردة الثانية بني وشال أمها المهم شكلا كاااان إيضـحك وأمبهدله وطلعت بالصحن .. ولا بسياااره مسرعـــه لانه بيأذن المغرب ومن دوون ما ينتبه صاحب السيااره (دعمها) وطار صحن القيمات نزل صاحب السيارة ولا شاب وسيم - شعره وااصل إلين جتفه - ولابس كاااب وكندووره بنيه نزل بسرعه وسار يطمن على البنت لقا ريلا مكسوووره وخاف أما هي ما حست بشيء بس تمت تطااالعه وتتأمل في ويهه وتبتسمله (والله متفيجه) لانه حلمها تحقق ويا فاارس أحلامها عن طريق الصـدفـه المهم ودوها المستشفى الريال وأخوها وجبسوا رجلها وطااف شهر أرمضان والبنت تتريا الفارس إللين ما إيي وإيدق الباب ويا العيد وبعد أيام رن التلفون .. ورد أخوها .. و قال وعليكم السلام ورحمة الله وبركاته هيــــه نعم حياك الله أخويـه بخير الحمدلله أهنه ( تبسم الأخ ) هيه ريلا أحسن بواايد عن قبل (وطاااااااااااار قلب البنت يوم سمعته إيقووووووووول هااي الرمسه) إيزاك الله خيراً فـ داعة الله وعــقب ما سكر أخوها السمااعه ( مااااات من الضحك ) سألته الأم منو إللي متصل؟ وليش تضحك ؟ ( البنت تنتظر الجواب على أحررررررررر من الجمر) قال هذا اللي دااعم أختيه ويقوووووووووول شو أخبار بشــكارتكم  ..؟ ههههههههههههههههههههههههه | |
